Gyldig fravær

5 ungdomar er innesperra i ei t-banevogn. Under Oslo. 
-Det er terror, eller?! Det har vore ein voldsom eksplosjon.

Dette er spesielt! Harald Rosenløw Eeg skreiv ferdig denne romanen før 22.juli, men med alt frå i sommar friskt i minne, er denne boka heilt i ein klasse for seg!

Me møter Anjo (som søker den rette veggen i livet), Sherpa (som kan springe fort, fort og er småkriminell), Ida (som slit med tvangstankar og tvangshandlingar), Albert (sonen til sjølvaste statsministeren) og Bruno (taggaren) i timane før og etter den grusomme eksplosjonen. Dei har alle si litt spesielle historie, er alle litt “outsiders”. Dei går i samme klasse på vidaregåande og denne dagen skulle dei på ekskursjon. Av ulike årsaker rakk ikkje desse fem den rette banen, og no ser dei ut til å vera dei einaste overlevande…?
Det er godt skrive! Så godt at det gjer heilt vondt. For det er jo ei vond historie. Harald Rosenløw Eeg har skrive mange ungdomsbøker etterkvart, og felles for dei er at eg TRUR på handlinga. Dette kunne jo ha skjedd?! Likeins denne gongen. Han gir meg så gode bilete av dei fem ungdomane at eg byrjar å tru at dei fins.
Og så er det ikkje kvar gong eg les ein actionroman for ungdom, at eg blir tankefull og filosoferer over livet (og døden). Denne boka innbyr til refleksjon. Den er mektig. Me blir så godt kjent med personane. Dei fortel kvar sin heilt ulike historie og trådane deira flettar seg inn i kvarandre på finurleg vis.
Les den. Den er ubehagelig god.

Advertisements

Om ragnahelene
Eg er skulebibliotekaren på Øystese gymnas

One Response to Gyldig fravær

  1. Tilbakeping: Samleinnlegg #1 | Julies bokbabbel - litteratur og småprat

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut / Endre )

Twitter-bilde

Du kommenterer no med Twitter-kontoen din. Logg ut / Endre )

Facebook-foto

Du kommenterer no med Facebook-kontoen din. Logg ut / Endre )

Google+ photo

Du kommenterer no med Google+-kontoen din. Logg ut / Endre )

Koplar til %s

%d bloggarar likar dette: